احلــــــى سعوديه
5 مشترك
صفحة 1 من اصل 1
احلــــــى سعوديه
د.كوين السبت أبريل 10, 2010 10:14 am
قصيده رائعه للشاعره // أم اديم ( اسماء العبيدان )
اداء // عمر المنسلح
كلمات القصيدة
حنّا بنات الوطن وشموع ديجوره
= وحناّ بنات الوطن وأحلى سعوديه
منابت المجد وأصل المجد والصوره
= مرابط العز وسبوق النداويه
منابت الملح وأصل الورد وزهوره
= مكاسر العود والنفحه سماويه
عذبات الانفاس وأغلى المسك وعطوره
= نفحات الاشجان والنسمه ربيعيه
فوح الخزامى بروض ٍ قيل ممطوره
= قدِ علّها مع بكور الوسم وسميه
حنّا بنات الوطن سكناه وخدوره
= حنّا بنات الوطن والثقل ماريّه
ياللي تعذرب بنا يمناك مكسوره
= ماكن فينا لك أم وبنت وأخيه
أفكارك السود مشبوهه ومبتوره
= وعلومك العوج ملفوفه وملويه
تلف وإلا تزيد اللف لك دوره
= العلم بالهون والحاجات مقضيه
خذها على نور والرايات منشوره
= بالعدل والميز مكتوبه ومقريه
خذها وباقي بها وقفات مذخوره
= تجيك من فوق وإن حبيّت رديه
بنت الوطن ياضعيف الرأي مذكوره
= بالخير والطيب مذكوره سنافيه
من أول الوقت يالمسكين مشهوره
= بالفكر وأحلى التواصيف النسائيه
بنت الوطن ياقصير الشوف معموره
= بالعطف واللين وتزيده بحنيه
إن كان بالكون قالوا عينه وحوره
= بنت الوطن من عظيم الشان حوريه
بنت الوطن من جمال الخلق مستوره
= الطبع هادي ووقت الجد جديّه
ممكن تقوّم بوجه المعتدي ثوره
= والأصل تكوينها ثابت حياويه
شيهانة اللحظ بنت الريح منثوره
= ملمومة الخصر بنت الذيب ريميه
يعني حجازية العينين مخبوره
= نجدية الخصر واللمحه خليجيه
ريحانة الفل بأرض الفل مبذوره
= يعني عسير وعبير أحلى عسيريه
وقاّدة الحس بالاشواق دكتوره
= يضيق صدر الزمن تبقى شماليه
تكتب حروف الوفا وتسّن دستوره
= بحروفها إخلاص وإن حبّت هواويه
يعني هي الجو مع بيداك وبحوره
= من رأسها للقدم بالزين مكسيه
سمعت ياللي حسبته لعبة الكوره
= بعض السواليف لا سقته عماويه
لا ضيّع الدرب مثلك وأخلف شعوره
= ندلّه الدرب والاعمال بالنيه
ياخاوي الفكر والعدلات مقبوره
= في صدرك اللي لبس بلواه صدريه
مغرور مغرور مثلك ناس مغروره
= بمركب النقص والاوهام مبليه
منادمين الخطا ملفاه وطيوره
= الفكر خياّل والساحه خياليه
من الحماقه لبسك الكبر وشروره
= والحمق رمح الردى وحدود هنديه
تسكن زواياك والطرقات مهجوره
= ياغراب خل الحمام إنسى خطاويه
لو تفرد الريش يالطاووس مأثوره
= عواقب الكبر يالمغرور سلبيه
ياسيّد الغطرسه ياقاصر شبوره
= ياعاشق الذات عشق الذات نفسيه
سمعت رد الاصيله وإفهم سطوره
= بسيط منساب والاوزان شعبيه
وإسلك طريق الهدايه وإحفظ السوره
= السوره اللي على المعنى ومكيه
وإن كان نفسك على الشينات مجبوره
= والنار ياميّت النيران مطفيه
أجيك أنا بنت هالديره ومأجوره
= وتشوف بنت الوطن والجمره الحيه
أجيك وتشوف بنت السبع مسعوره
= وأخرك معروف والدعوى طبيعيه
الوقت معروف في زنات دبوره
= يخرّب العش وهو العش راعيّه
ماهي بشرَبه من الغوري وشابوره
= بعض الحكاوي وفيه حدود محميه
خذها ولا أقول لا رديّت مشكوره
= من واجبي لا دفعت الشر والسيّه
بأول خطوط الدفاع وراس طابوره
= أصد وأرد والصدّه هجوميه
خذها وأنا بنت قوم المجد وحضوره
= مني وأنا من بنات الدار نجديه
من نجد ماجيت أنا المغرب وناطوره
= وماجيت حد اليمن ما كنت مصريه
خذها وأنا ماعرف الحمراء ولا شتوره
= ولا جيت عماّن وإلا كنت شاميه
ولا نيب من بابل النهرين وآشوره
= وإلا بعد من بنات الشرق شرقيه
خذها وأنا من عظيم الشان منصوره
= من نجد ماقول أنا شقراء وغربيه
أعيّد العيد ما عوشر بعاشوره
= الدين الاسلام والمنهاج سنيه
خذها ونفسي على المسفار مأموره
= والنفس معروف مأموره ومنهيه
ماقلتها من غضب بالوقت مقهوره
= على الملا وإن بغيت السلم سلميه
خذها وأنا بنت روس الطيب وصقوره
= الجد قحطان والمنشأ قصيميه
للاستماع
http://www.qassimy.com/nu/voices-act...ow-id-1955.htm
د.كوين- مديرة الموقع
- عدد المساهمات : 78
نقاط : 96
السٌّمعَة : 0
تاريخ التسجيل : 21/02/2008 -
رد: احلــــــى سعوديه
روقان استكنان الأحد أبريل 11, 2010 4:17 am
ونعم فى بنت السعوديهـ
،،
تسلمى اصولهـ
يآبنت الحجاز
،،
تسلمى اصولهـ
يآبنت الحجاز
روقان استكنان- مشرف منتديات
- عدد المساهمات : 56
نقاط : 97
السٌّمعَة : 1
تاريخ التسجيل : 24/03/2010
يوســف- عضو مشارك
- عدد المساهمات : 34
نقاط : 38
السٌّمعَة : 0
تاريخ التسجيل : 26/03/2010
د.كوين- مديرة الموقع
- عدد المساهمات : 78
نقاط : 96
السٌّمعَة : 0
تاريخ التسجيل : 21/02/2008 -
رد: احلــــــى سعوديه
الغضنفر الأربعاء أبريل 14, 2010 3:01 pm
يسلمووووو دكتورة ... بس ما تحسين إن الشاعرة هنا إنها موجهه قصيدتها لشخص معين أشوفها تسبه سب ــ ميت النار ــ يمناك مكسورة ــ غراب ــ مغرور ... صراحة كلمات قوية وطالعة من قلب .... آخ منكم يالنسوان اللي تبونه تسوونه ودايم أنتم مصدقين وإحنا مكذبين حتى لو الحق لنا والدليل هالقصيدة الكل بيتعاطف معها 
... صدق إننا طيبين وعلى نياتنا ولا لا يادكتورة .... ويسلموو مرة ثانية ...
... صدق إننا طيبين وعلى نياتنا ولا لا يادكتورة .... ويسلموو مرة ثانية ... 
الغضنفر- v.i.p
- عدد المساهمات : 38
نقاط : 40
السٌّمعَة : 0
تاريخ التسجيل : 23/03/2010
رد: احلــــــى سعوديه
د.كوين الخميس أبريل 15, 2010 4:38 am
^
غضنفررررررررررررررر
الشاعره تسب واحد راح للمغرب ويمدح بنات المغروب ويسب بنات السعوديه وقصيدته مشهوره بس مفحالي اجيبها لك هع روح انت دورها بلاشي كسل
بعدين اخخ مننناا احنا ولامنكم وربي انكم مصااايب وودي احصل واحد وافي صادق طيب حنوون حساااس يقدر البنت صح
ياشيخ هاته لي ولكل اللي تبي
<< يعني اش يبي منك هع
حياك الله
غضنفررررررررررررررر
الشاعره تسب واحد راح للمغرب ويمدح بنات المغروب ويسب بنات السعوديه وقصيدته مشهوره بس مفحالي اجيبها لك هع روح انت دورها بلاشي كسل
بعدين اخخ مننناا احنا ولامنكم وربي انكم مصااايب وودي احصل واحد وافي صادق طيب حنوون حساااس يقدر البنت صح
ياشيخ هاته لي ولكل اللي تبي
<< يعني اش يبي منك هع
حياك الله
د.كوين- مديرة الموقع
- عدد المساهمات : 78
نقاط : 96
السٌّمعَة : 0
تاريخ التسجيل : 21/02/2008 -
رد: احلــــــى سعوديه
السلاح الأربعاء يونيو 02, 2010 3:43 am
عز الله يعزك كفووووووو والله يا ريميه
خجووووووولة يسلمووووو قصيدة خيااااااال يعطيك العافية على النقل
والله ونعم ببناااااااات السعودية
خجووووووولة يسلمووووو قصيدة خيااااااال يعطيك العافية على النقل
والله ونعم ببناااااااات السعودية
السلاح- عضو جديد
- عدد المساهمات : 3
نقاط : 3
السٌّمعَة : 0
تاريخ التسجيل : 27/05/2010
رد: احلــــــى سعوديه
د.كوين الخميس يونيو 03, 2010 9:27 am
^
سلاحووووووووووووه
نورت وكفوو بعيال السعوديه كمان
تسلم
سلاحووووووووووووه
نورت وكفوو بعيال السعوديه كمان
تسلم
د.كوين- مديرة الموقع
- عدد المساهمات : 78
نقاط : 96
السٌّمعَة : 0
تاريخ التسجيل : 21/02/2008 -
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى